Nora Istrefi festoi ditëlindjen në Madrid – merr vëmendje me dukjen e veçantë

Artistja e njohur shqiptare, Nora Istrefi, më 25 mars festoi ditëlindjen e 38-të.

Këngëtarja me këtë rast udhëtoi për në Madrid për të festuar këtë përvjetor të lindjes.

Ajo duket se ishte e shoqëruar nga disa mikesha, në bazë të disa fotografive që ka shpërndarë në rrjete sociale.

Në imazhet e reja, krijuesja e hitit “Më mungon” dukej në top formë në një fustan blu të tejdukshëm.

Dukjen e kompletoi me një palë taka ngjyrë bordo, aksesorë dhe grim të lehtë.

Përmes fustanit transparent, ajo ka vënë në pah fizikun e mrekullueshëm, të cilit i kushton kujdes të madh.

Nora numëron një karrierë të gjatë në skenë dhe tashmë shquhet për shumë hite.