Një ditë pas dasmës madhështore, Engji është shfaqur më e shkëlqyeshme se kurrë, e veshur me dallamën tradicionale dhe e stolisur me dukat të trashëgimisë, duke i mirëpritur gratë e katundit në Ditën e Grave.
Me buzëqeshjen që s’e heq nga fytyra dhe pamjen mbresëlënëse, nusja e re tregoi respektin dhe dashurinë për traditën e Opojës. Veshja e saj e zezë me ari dhe stolitë e shumta të florinjta reflektonin elegancën dhe krenarinë që vjen me këtë rol të ri në jetë si nuse.
Engji u prit me duartrokitje e urime nga gratë e katundit, të cilat e përqafuan si nusen e re të shtëpisë dhe simbol të vazhdimësisë së vlerave familjare. Kjo paraqitje solemne e saj është një dëshmi e respektit për zakonet dhe një moment i paharrueshëm për të gjithë gratë.
Nusja jonë e bukur – siç shkruan edhe në rrjetet sociale – i dha edhe më shumë hijeshi Ditës së Grave këtë ditë.
