Dasma e Teuta Rugovës, vajzës së presidentit historik Ibrahim Rugova, ishte pa dyshim një nga ngjarjet më të komentuara të vitit. Elegancë, hijeshi dhe madhështi – gjithçka ishte në vendin e vet. Por përveç atmosferës festive, ajo që mori më së shumti vëmendje në rrjetet sociale ishte pamja e vetë nuses, dhe më saktësisht – forma e fustanit të saj.
Në fotot që po qarkullojnë, Teuta Rugova shfaqet me një fustan nusërie të bardhë, të gjatë, me dantellë të punuar dhe detaje shkëlqyese. Por ajo që ngjalli më shumë reagime ishte pjesa e përparme e fustanit, e cila duket e fryrë lehtë në pjesën e barkut. Kjo detajë ka mjaftuar që shumë ndjekës të aludojnë se Teuta mund të jetë në pritje të ëmbël, dhe se dasma e saj mund të jetë kurorëzimi i një dashurie që po sjell një jetë të re.
Ndërsa disa e kanë parë këtë si një lajm të ëmbël dhe një gëzim të dyfishtë për familjen Rugova, të tjerë janë treguar më të përmbajtur, duke pritur ndonjë konfirmim zyrtar.
Por burime pranë familjes sqarojnë se Teuta nuk është në pritje të ëmbël, dhe se forma e fustanit është thjesht një zgjedhje stilistike nga dizajneri, që ka dashur të japë një pamje madhështore, mbretërore dhe të rehatshme për ditën e saj të veçantë.
