Policia e Kosovës e ka konfirmuar vdekjen e Shemsi Krasniqit, i njohur si “Shemi” i grupit “Ilirët”.
Zëdhënësi i Policisë për rajonin e Prishtinës, Enis Pllana për Klankosova.tv, konfirmoi se trupi i pajetë u gjet në banesën e tij rreth orës 15:00, dhe vdekjen e viktimës e ka konstatuar ekipi mjekësor në vendin e ngjarjes.
Ndërkaq, Policia në koordinim me prokurorin e shtetit po ndërmerren veprimet e nevojshme policore.
“Sot rreth orës 15:00 kemi pranuar informatën për një person pa shenja jete në një banesë në rrugën UÇK në Prishtinë. Me të marrë informatën policia ka dalë në vendin e ngjarjes, ku vdekjen e viktimës (mashkull) e ka konstatuar ekipi mjekësor në vendin e ngjarjes. Në koordinim me prokurorin e shtetit po ndërmerren veprimet e nevojshme policore”, tha zëdhënësi i policisë për rajonin e Prishtinës, Enis Pllana për Klankosova.tv
Ndryshe, sipas burimeve të Klan Kosovës, Shemsi Krasniqi ka ndërruar jetë pas një sulmi në zemër. /Klankosova.tv