Një ditë e veçantë dhe shumë emocionale për familjen Behluli! Engji, vajza e këngëtares së njohur Shyhrete Behluli, ka kurorëzuar dashurinë e saj me një ceremoni të ëndrrave – dhe emocionet nuk kanë munguar.
Në këtë moment të rëndësishëm, sytë e të gjithëve ishin drejt nënës së saj, Shyhretes, e cila nuk mundi t’i mbajë lotët gjatë përcjelljes së Engjit drejt një jete të re. Ndonëse e buzëqeshur përpara kamerave, emocionet e thella të një nëne që marton vajzën e saj të vetme ishin të dukshme në çdo moment.
E veshur me një fustan elegant të kuq dhe me një pamje që rrezatonte dinjitet dhe dashuri, Shyhretja u shfaq krah vajzës së saj, e cila shkëlqente në fustanin e bardhë prej princeshe. Fotografia e tyre së bashku ka pushtuar rrjetet sociale, duke marrë komente nga më të përzemërtat nga ndjekësit dhe adhuruesit e familjes.
Kjo ditë do të mbetet pa dyshim një kujtim i paharrueshëm për të dyja një kapitull i ri për Engjin dhe një moment krenarie dhe mallëngjimi për Shyhreten.